चितवनको इच्छाकामना गाउँपालिकास्थित तुइन खोलामा ठूलो पहिरो खस्दा मुग्लिन–नारायणगढ सडकखण्ड दुईतर्फी आवागमन पूर्ण रूपमा रोकिएको छ।

जिल्ला ट्राफिक प्रहरी कार्यालयका अनुसार शुक्रबार साँझ करिब ७:१५ बजे खसेको पहिरोका कारण राजमार्गमा सवारीसाधनको लामो लाइन लागेको छ।

इलाका प्रहरी कार्यालय मुग्लिनका निरीक्षक प्रतीक सिंहका अनुसार राति पहिरो पन्छाउन सम्भव नदेखिएकोले शनिबार बिहान ४ बजेदेखि मात्रै काम सुरु गरिनेछ।

सडक अवरुद्ध हुँदा यात्रु बिचल्लीमा परेका छन् भने प्रहरीले माइकिङ गरेर चालक तथा यात्रुलाई सुरक्षित स्थानमै बस्न आग्रह गरेको छ।