पूर्वप्रधानमन्त्री डा. बाबुराम भट्टराईको आधिकारिक फेसबुक पेजमा प्राविधिक समस्या देखिएको छ ।

भट्टराईको सचिवालयका अनुसार फेसबुक पेजमा समस्या देखापरेको हो । सचिवालयले एक विज्ञप्ति जारी गर्दै पेजमा आएको अवरोधबारे जानकारी गराएको छ ।

‘पूर्वप्रधानमन्त्री बाबुराम भट्टराईको आधिकारिक फेसबुक पेजमा केही प्राविधिक समस्या देखिएको छ,’ सचिवालयले जनाएको छ, ‘हाल पेज पुनःप्राप्त (रिकभर) गर्ने प्रयास जारी रहेको छ ।’

सचिवालयले पेज पुनःसञ्चालनमा ल्याउन आवश्यक प्रक्रिया अघि बढाइएको र समस्या समाधानका लागि काम भइरहेको जनाएको छ ।