नासाद्वारा अन्तरिक्ष स्टेशन मिसनका लागि नयाँ चालक दलको सूची सार्वजनिक
नासाले शुक्रबार अन्तर्राष्ट्रिय अन्तरिक्ष स्टेशन (आईएसएस) मा आफ्नो आगामी अभियानका लागि चार सदस्यीय चालक दलको अनावरण गरेको छ ।
‘क्रू–११’ मिसनमा नासाका अन्तरिक्ष यात्री जेना कार्डम्यान र पाइलट माइक फिन्के रहेको नासाले जनाएको छ । मिसनमा जापान एरोस्पेस एक्सप्लोरेसन एजेन्सी अन्तरिक्ष यात्री मिसन विशेषज्ञ किमिया युई र रोस्कोसमोस अन्तरिक्ष यात्री मिसन विशेषज्ञ ओलेग प्लेटोनोभ सामेल हुनेछन् ।
नासाका अनुसार यो मिसन जुलाई सन् २०२५ भन्दा पहिले प्रक्षेपण हुने तय गरिएको छ । यो उडान नासाको व्यावसायिक क्रू कार्यक्रमको एक भागको रूपमा स्पेसएक्ससँग स्टेशनमा ११ औं क्रू रोटेशन हो ।
नासा चालक दलले वैज्ञानिक अनुसन्धान र टेक्नोलोजी प्रदर्शनहरू सञ्चालन गर्ने जनाएको छ । यसले मानवहरूलाई भविष्यको चन्द्रमा मिसनहरूको लागि तयार गर्न मद्दत गर्नेछ, साथै पृथ्वीका मानिसहरूलाई पनि फाइदा पुर्याउँनेछ ।
तपाईको प्रतिक्रिया दिनुहोस