कीर्तिपुरस्थित त्रिवि क्रिकेट मैदानमा जारी नेपाल प्रिमियर लिग (एनपीएल)को दोस्रो खेलमा काठमाडौं गुर्खाजले चितवन राइरोजलाई ११२ रनको लक्ष्य दिएको छ।

टस हारेर ब्याटिङ थालेको काठमाडौंले २० ओभरमा ९ विकेट गुमाउँदै १११ रन बनाएको हो। काठमाडौंका लागि सुमित महर्जनले २९ रन बनाउँदै टिमको अग्रणी प्रदर्शन गरे। माइकल लेभिटले २५, डेन डउथवेटले १९, र शंकर रानाले १६ रनको योगदान गरे।

चितवनका बलर सोहेल तानबिरले उत्कृष्ट प्रदर्शन गर्दै ५ विकेट लिए। अब चितवनले यो खेल जित्न ११२ रनको लक्ष्य पछ्याउनु पर्नेछ।