वैदेशिक रोजगारको प्रलोभनमा ठगी गर्ने दुई जना पक्राउ
२०८१ मंसिर २०, बिहीबार १३:२२ मा प्रकाशित
वैदेशिक रोजगारको आकर्षक तलबको प्रलोभन देखाउँदै रकम ठगी गरेको अभियोगमा दुई जनालाई प्रहरीले पक्राउ गरेको छ।
पक्राउ पर्नेमा लमजुङका सुमित बस्याल र खोटाङका इच्छा गुरुङ रहेका छन्। सुमितले क्रोएसिया पठाइदिने प्रलोभनमा दुई जनाबाट २ लाख ४० हजार रूपैयाँ ठगी गरेका थिए भने इच्छाले पोल्याण्ड पठाइदिने भन्दै एक जनाबाट १ लाख रूपैयाँ ठगी गरेका थिए।
काठमाडौं उपत्यका अपराध अनुसन्धान कार्यालय टेकुबाट खटिएको प्रहरी टोलीले सुमितलाई मंगलबार भाटभटेनी र इच्छालाई बुधबार पासीकोटबाट पक्राउ गरेको हो।
पक्राउ परेकाहरूलाई आवश्यक अनुसन्धान तथा कारबाहीका लागि वैदेशिक रोजगार विभाग ताहाचल, काठमाडौंमा पठाइएको छ।
तपाईको प्रतिक्रिया दिनुहोस