नेपाली कांग्रेसले केन्द्रीय कार्यसम्पादन समितिको बैठक बोलाएको छ।

पार्टीका मुख्य सचिव कृष्णप्रसाद पौडेल का अनुसार, बैठक पुस १८ गते शुक्रवार दिउँसो ३ बजे बस्ने तय भएको छ। बैठकमा केन्द्रीय कार्यसम्पादन समितिका पदाधिकारी र सदस्यहरूलाई उपस्थित हुन आग्रह गरिएको छ।

यसअघि, आजै पार्टीका महामन्त्रीद्वय गगन थापा र विश्वप्रकाश शर्माले पार्टीको नियमित महाधिवेशन निर्धारित समयमा सम्पन्न नहुने अवस्था आएको भन्दै विशेष महाधिवेशनको सम्भावना राख्दै विज्ञप्ति जारी गरेका थिए। बैठकमा यही विषयमा समेत छलफल हुने अपेक्षा गरिएको छ।