बेलायतको कुम्ब्रियाकी ३९ वर्षीया रेबेका हिन्दको जीवन एकदमै अनौठो तर साहसिक घटनाले भरिएको छ । दुर्लभ प्रकारको क्यान्सर ‘स्यूडोमाइक्सोमा पेरिटोनी’ (Pseudomyxoma Peritonei – PMP) बाट पीडित रेबेकाको शरीरबाट अहिलेसम्म १३ वटा भित्री अंग निकालिएको छ ।
रेबेकाले सन् २०१८ डिसेम्बरमा क्रिसमस पार्टीपछि पेट दुख्ने, वाकवाकी लाग्ने, भोक नलाग्ने जस्ता लक्षणहरू महसुस गर्न थालिन् । सुरुमा उनले खानामा विषाक्तता भएको ठानेकी थिइन् । तर, आठ हप्तासम्म लक्षणहरू नरोकिएपछि परीक्षण गराउँदा उनलाई PMP भन्ने दुर्लभ क्यान्सर भएको पुष्टि भयो ।
‘स्यूडोमाइक्सोमा पेरिटोनी’ एक प्रकारको म्युसिनस क्यान्सर हो, जुन एक लाखमध्ये एक जनालाई मात्र लाग्ने अत्यन्तै दुर्लभ क्यान्सर हो । यो क्यान्सरले पेटको भित्तामा म्युसिन नामक गाढा पदार्थ जम्मा गराउँछ, जसले पेट सुन्निने, अपच हुने, वाकवाकी लाग्ने र जीवनशैलीमा ठूला परिवर्तन ल्याउँछ ।
कयौं अंगहरू निकाल्नुपरेको पीडा
रेबेकाको शरीरबाट अहिलेसम्म दुईवटा प्रमुख शल्यक्रियाका क्रममा एपेन्डिक्स, नाभि, पित्तथैली, प्लीहा, ठूलो आन्द्रा, पाठेघर, ग्रन्थी लगायतका १३ वटा भित्री अंगहरू हटाइएका छन् । अप्रिल २०१९ मा पहिलो ठूलो सर्जरीमा १.६ ग्यालनभन्दा बढी म्युसिन पनि निकालिएको थियो । नोभेम्बर २०१९ मा गरिएको दोस्रो सर्जरीपछि पनि उनको उपचार प्रक्रिया अझै जारी छ ।
सर्जरी र जीवनको कठोर अवस्थाका बावजुद रेबेकाले आफ्नो आत्मबल गुमाइनन् । उनले सञ्चारमाध्यमसँग कुरा गर्दै भनिन्, “म सन्देश दिन चाहन्छु कि जब तपाईंलाई स्टोमा वा टर्मिनल रोग हुन्छ, जीवन निकै कठिन हुन्छ । तर सकारात्मक सोचले तपाईंलाई हार्न दिँदैन ।”
धेरै पढिएका
तपाईको प्रतिक्रिया दिनुहोस