साताको पहिलो कारोबार दिन आइतबार नेप्से परिसूचक ११.५२ अंकले घटेर २७०८.२५ अंकमा ओर्लिएको छ। यो घटाइसँगै चार कारोबार दिनयता लगातार बजार ओरालोमा रहेको छ।

आज दिउँसो १:०५ बजे नेप्से २७२७ अंकमा पुगेको थियो, जुन दिनको उच्चतम विन्दु रह्यो । त्यसपछि बजार बन्द हुने समयसम्म ओरालोमा रह्यो। कारोबार रकम पनि घटेको छ। गत बिहीबार ५ अर्ब १४ करोडको कारोबार भएमा आइतबार ४ अर्ब ४० करोडमा सीमित रह्यो।

आज ७९ कम्पनीको सेयर मूल्य बढ्दा १७३ कम्पनीको घटेको छ। उपसमूहमा फाइनान्स ०.१०%, उत्पादन तथा प्रशोधन ०.०४% ले बढेको छ। तर, बैंकिङ ०.६५%, विकास बैंक ०.०८%, होटल तथा पर्यटन ०.४८%, हाइड्रोपावर ०.६८%, लगानी ०.५२%, जीवन बीमा ०.४०%, माइक्रोफाइनान्स ०.१८%, निर्जीवन बीमा ०.१८%, अन्य ०.३२% र व्यापार ०.२४% ले घटेका छन्।

हिमस्टार ऊर्जा कम्पनीको सेयर मूल्य १०% ले बढेर प्रतिकित्ता ३९१.४० पुगेको छ। युनिभर्सल पावरको ५.१२%, समृद्धि फाइनान्सको ३.५१% ले बढेको छ। सबैभन्दा बढी मूल्य घट्ने कम्पनी पन्चकन्या माइ हाइड्रोपावर हो, जसको सेयर मूल्य ४.६२% ले घट्यो। विकास हाइड्रोपावर ३.९२%, ओरियन्टल होटल ३.७०% ले ओरालोमा रहे।

आज बढी कारोबार भएका कम्पनीहरूमा युनियन हाइड्रोपावर, नेपाल पुनर्बीमा, एभरेस्ट बैंक, हिमालयन डिस्टिलरी र युनिभर्सल पावर रहेका छन्।

आइतबार ५८,८७ पटकको कारोबारबाट १ करोड ११ लाख २४ हजार ८ सय ४५ कित्ता सेयर किनबेच भएको छ। ती किनबेचको मूल्य ४ अर्ब ४० करोड २७ लाख रुपैयाँ बराबरको रहेको छ।

यसरी, बढ्नेभन्दा घट्ने कम्पनीको संख्या बढी हुँदा समग्र नेप्से दोहोरो अंकले घटेको हो।