मुस्ताङको घाँसा-बेनी सडक खण्ड आजदेखि रातिमा बन्द हुने
२०८२ श्रावण २७, मंगलबार ०८:५९ मा प्रकाशित
मुस्ताङको घाँसा-बेनी सडक खण्ड आजदेखि रातिमा बन्द हुने भएको छ ।
जिल्ला प्रशासन कार्यालय मुस्ताङले मनसुन् जन्य प्रभावका कारण बाढी पहिरोको जोखिम कायमै रहेकोले आज साउन २७ गतेदेखि घाँसादेखि बेनी जाने सवारी साधनलाई बेलुका ६ बजेदेखि बिहान ५ बजे सम्मलाई अर्को सूचना नभए सम्मको लागि पूर्ण रुपमा बन्द गर्ने निर्णय भएको जानकारी दिएको हो ।
प्रमुख जिल्ला अधिकारी विष्णु प्रसाद भुसालले जिल्ला सुरक्षा समितिको बैठकले यस्तो निर्णय गरेको बताउदै यस समयमा सवारी साधन आवगमन बन्द रहने जानकारी दिएका छन् ।
धेरै पढिएका
तपाईको प्रतिक्रिया दिनुहोस