नेपाली कांग्रेसको १५औँ महाधिवेशनअन्तर्गत सहमहामन्त्री (खुलातर्फ) को मतगणनामा रामहरि खतिवडाले आफ्नो फराकिलो अग्रता कायमै राखेका छन्। दुई जना निर्वाचित हुने यस पदको पछिल्लो मतपरिणामअनुसार खतिवडा २ हजार १७८ मतका साथ शीर्ष स्थानमा रहेका छन्।

त्यस्तै, दोस्रो स्थानमा रहेका अजयबाबु शिवाकोटीले १ हजार ५५६ मत प्राप्त गर्दै खतिवडालाई पछ्याइरहेका छन्। महाधिवेशनको जारी मतगणनामा अन्य प्रतिस्पर्धीहरूमध्ये डिल्लीराम सुवेदीले १ हजार २९४ मत र देवेन्द्रराज कँडेलले १ हजार १२ मत प्राप्त गरेका छन्।

यसैगरी, सहमहामन्त्रीका अन्य उम्मेदवारहरू राजीव ढुंगानाले ९०१ मत, विकास कोइरालाले ८१५ मत र अमृतकुमार अर्यालले ६६६ मत ल्याएका छन्। बाँकी उम्मेदवारहरू रमेशप्रसाद धमलाले ५८० मत र विमलराज क्षेत्रीले १९६ मत प्राप्त गरेको निर्वाचन समितिले जनाएको छ।