सञ्चार तथा सूचना प्रविधि मन्त्रालयले अनलाइन सञ्चारमाध्यम दर्ता प्रक्रिया सम्हाल्न सूचना विभागका महानिर्देशकलाई स्थानीय अधिकारी तोकेको छ।

मन्त्रालयले शुक्रबार जारी गरेको सूचनामा, “नेपाल सरकारले छापाखाना र प्रकाशनसम्बन्धी ऐन, २०४८ को दफा २ को खण्ड (त) अनुसार अनलाइन सञ्चारमाध्यम दर्ता गर्ने प्रयोजनका लागि सूचना तथा प्रसारण विभागको महानिर्देशकलाई स्थानीय अधिकारीको रूपमा तोकेकोले यो सूचना प्रकाशित गरिएको हो।” भन्ने उल्लेख गरिएको छ ।