प्रधानमन्त्री सुशीला कार्कीले प्रमुख तीन दलका शीर्ष नेताहरूको संयुक्त बैठक आह्वान गरेकी छन्।

प्रधानमन्त्री कार्कीले नेपाली कांग्रेस, नेकपा एमाले र नेपाली कम्युनिस्ट पार्टीका शीर्ष नेताहरूलाई सहभागी गराउने गरि संयुक्त बैठक बोलाएकी हुन्। बैठक शनिबारका लागि तय गरिएको छ।

आगामी फागुन २१ गते तोकिएको प्रतिनिधिसभा निर्वाचनको तयारी र त्यससम्बन्धी समन्वयका विषयमा छलफल गर्न बैठक आह्वान गरिएको प्रधानमन्त्रीको सचिवालयले जनाएको छ।

यसअघि सरकारका प्रवक्ता तथा सञ्चार तथा सूचना प्रविधि मन्त्री जगदीश खरेलले आज बिहान नेपाली कांग्रेसका सभापति शेरबहादुर देउवा र मध्याह्न नेकपा एमालेका अध्यक्ष केपी शर्मा ओलीसँग भेट गरी बैठकको निम्तो दिएका छन्। मन्त्री खरेलले आजै नेकपा माओवादी केन्द्रका अध्यक्ष प्रचण्डलाई पनि भेटेर औपचारिक निम्तो दिने कार्यक्रम रहेको छ।