सरकारले मानव विकास सूचकाङ्कमा पछाडि परेका क्षेत्रका बालबालिकाका लागि आधारभूत शिक्षाको पहुँच विस्तार गर्ने घोषणा गरेको छ।

अर्थमन्त्री डा. स्वर्णिम वाग्लेले शुक्रबार व्यवस्थापिका संसद्‌मा आगामी आर्थिक वर्ष २०८३/०८४ को बजेट प्रस्तुत गर्दै आधारभूत शिक्षामा शतप्रतिशत पहुँच सुनिश्चित गर्न आवासीय विद्यालयको व्यवस्था गरिने बताउनुभयो। यो कार्यक्रमको सुरुवात चितवनका स्थानीय तहबाट गरिने बजेट भाषणमा उल्लेख छ।