प्रधानमन्त्री दैवी प्रकोप उद्धार कोषमा करिब १२ अर्ब रुपैयाँ जम्मा भएको छ। प्रधानमन्त्री तथा मन्त्रिपरिषद्को कार्यालयका अनुसार मङ्गलबार साँझसम्म कोषमा ११ अर्ब ९५ करोड १७ लाख रुपैयाँ सङ्कलन भएको हो।

कोषमा जम्मा भएको उक्त रकममध्ये यसअघि नै एक अर्ब रुपैयाँ रसुवाका बाढीपीडितको उद्धार तथा राहतका लागि राष्ट्रिय विपद् जोखिम न्यूनीकरण तथा व्यवस्थापन प्राधिकरणको नाममा निकासा भइसकेको प्रधानमन्त्री तथा मन्त्रिपरिषद्को कार्यालयले जनाएको छ।