वैदेशिक रोजगारका नाममा पोल्याण्ड पठाउने भन्दै ठगी गरेको आरोपमा ४२ वर्षीया कल्पना कुँवरलाई प्रहरीले पक्राउ गरेको छ। कपिलवस्तु, बाणगंगा नगरपालिका-८ स्थायी घर भई काठमाडौं महानगरपालिका-३१ नयाँबानेश्वर बस्दै आएकी कुँवरले एक व्यक्तिबाट ३ लाख ३० हजार रुपैयाँ लिई सम्पर्कबिहीन भएको उजुरीका आधारमा पक्राउ गरिएको हो।
काठमाडौं उपत्यका अपराध अनुसन्धान कार्यालय टेकुबाट खटिएको प्रहरी टोलीले उनलाई बुधबार टेकुबाट पक्राउ गरेको हो। आवश्यक अनुसन्धान र कारबाहीका लागि उनलाई वैदेशिक रोजगार विभाग, ताहाचल, काठमाडौंमा पठाइएको छ।
प्रहरीका अनुसार पीडितले पोल्याण्ड पठाइदिने आश्वासनमा ठगिएको भन्दै उजुरी दिएका थिए। यो घटनाको थप अनुसन्धान जारी छ।
तपाईको प्रतिक्रिया दिनुहोस