राष्ट्रिय स्वतन्त्र पार्टी (रास्वपा) का सभापति रवि लामिछानेसहित १४ जनाविरुद्ध पर्सामा सहकारी ठगीको आरोपमा पक्राउ पुर्जी जारी भएको छ। 

वीरगञ्जको सानो पाइला सहकारी प्रकरणमा लामिछाने र अन्य व्यक्तिहरूको विरुद्ध उक्त आदेश जारी गरिएको हो। सानो पाइला सहकारीले ८ सय भन्दा बढी बचतकर्ताबाट १ अर्ब ३५ करोड रुपैयाँ जम्मा गरेको थियो, जुन रकम फिर्ता नगरेको भन्दै पीडितहरूले जाहेरी दिएका छन्।

लामिछाने अहिले चितवनमा बयान दिइरहेका छन् र यसअघि पोखरा, बुटवल र काठमाडौंका सहकारी प्रकरणमा पनि बयान दिएका छन्। यस घटनामा गोर्खा मिडिया नेटवर्कको संलग्नता र अपचलनको आरोप छ।