राजधानीको त्रिवि क्रिकेट मैदान, कीर्तिपुरमा जारी नेपाल प्रिमियर लिग (एनपिएल) अन्तर्गत आज दुई रोमाञ्चक खेलहरू हुँदैछन्।

पहिलो खेल बिहान ९ः१५ बजे लुम्बिनी लायन्स र सुदूरपश्चिम रोयल्सबीच हुनेछ। प्रतियोगितामा लुम्बिनी लायन्सको प्रदर्शन कमजोर रहेको छ। टोलीले खेलेका दुवै खेलमा पराजय बेहोरेको छ। पहिलो खेलमा विराटनगर किङ्ग्ससँग दुई विकेटले र दोस्रो खेलमा पोखरा एभेन्जर्ससँग हार व्यहोरेको थियो।

सुदूरपश्चिम रोयल्स भने लगातार उत्कृष्ट प्रदर्शन गरिरहेको छ। टोलीले खेलेका दुवै खेलमा जित हात पारेको छ। पहिलो खेलमा विराटनगर किङ्ग्सलाई ९० रनले र दोस्रो खेलमा काठमाडौं गुर्खाजलाई ७३ रनले पराजित गरेको थियो।

दोस्रो खेल दिउँसो १ः१५ बजे कर्णाली याक्स र विराटनगर किङ्ग्सबीच हुनेछ। कर्णालीले हालसम्म तीन खेल खेलेको छ। तीमध्ये एक खेलमा जित र दुई खेलमा हार व्यहोरेको छ। विराटनगर किङ्ग्सले पनि तीन खेल खेल्दै एक जित र दुई हारको नतिजा निकालिसकेको छ।

आजका खेलहरूले लुम्बिनी र विराटनगरका लागि विशेष महत्व राख्नेछन्, किनभने यी टोलीहरूलाई प्रतियोगितामा आफ्नो स्थान बलियो बनाउन जित्नैपर्ने दबाब छ। सुदूरपश्चिम र कर्णालीले भने आफ्नो विजय यात्रा कायम राख्नुपर्ने चुनौती सामना गर्नेछन्।