कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा कर्णाली याक्सले विराटनगर किंग्सलाई १३४ रनको चुनौती दिएको छ। कर्णालीको टोली अन्तिम बलमा अलआउट हुँदै १३३ रनमा समेटिएको हो।
कर्णालीका लागि देव खनाल र विलियम बोसिस्टोले उत्कृष्ट अर्धशतकीय पारी खेले। विलियमले ४९ बलमा ५ चौका र ३ छक्का सहित ६६ रन जोडे भने देव खनालले ४८ बलमा ४ चौका र २ छक्का सहित ५३ रन बनाए। अन्य खेलाडीले दोहोरो अंक पार गर्न नसक्दा कर्णालीको स्कोर अपेक्षाकृत कम रह्यो।
बलिङतर्फ विराटनगरका प्रतिश जिसीले ४ विकेट लिए। क्रिश सोल र बसिर अहमदले २–२ विकेट हात पारे भने अकिब इलियासले १ विकेट लिए।
टस जितेर पहिले बलिङ रोजेको विराटनगरले कर्णालीलाई सिमित स्कोरमा रोक्दै लक्ष्य पूरा गर्न बलियो अवसर बनाएको छ।
तपाईको प्रतिक्रिया दिनुहोस