बुधबार नेपाली बजारमा सुन र चाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ७०० रुपैयाँले घटेर एक लाख ५० हजार ७०० रुपैयाँमा कारोबार भइरहेको छ। मंगलबार यसै सुनको मूल्य प्रतितोला एक लाख ५१ हजार ४०० रुपैयाँ थियो।

चाँदीको मूल्यमा पनि कमी आएको छ। आज चाँदी प्रतितोला ५ रुपैयाँले घटेर एक हजार ८३५ रुपैयाँमा कारोबार भइरहेको छ। हिजो चाँदी प्रतितोला एक हजार ८४० रुपैयाँमा खरिदबिक्री भएको थियो।