माओवादी केन्द्रका अध्यक्ष पुष्पकमल दाहालले उपसभामुख इन्दिरा रानामगरलाई हटाउने विषयमा कांग्रेस र एमालेले आफैं पछाडि हट्ने विश्वास व्यक्त गरेका छन्। शनिबार विराटनगर विमानस्थलमा सञ्चारकर्मीसँग कुरा गर्दै उनले उपसभामुख रानामगर एक इमानदार, जनजाति महिला भएको र बालबालिकाका लागि ख्यातिप्राप्त व्यक्तित्व रहेको बताएका छन्। रानामगरले प्रविधिक त्रुटि गरे पनि त्यसको सजाय उपसभामुखबाट हटाउनुपर्ने स्तरको नहुने धारणा दाहालले राखेका छन्। उनले कांग्रेस र एमाले स्वयं उक्त निर्णयबाट पछि हट्ने सम्भावना रहेको उल्लेख गरे।

प्रधानन्यायाधीशको सिफारिसको विषयमा पनि दाहालले प्रतिक्रिया दिएका छन्। उनले आठ जनाको नाम सिफारिस गरिएको र सबै योग्य रहेको बताए। साथै, बरियताको मिचाइको कुनै कुरा नभएको र सीनियारिटीको मापदण्डलाई तोड्न नचाहिएको स्पष्ट गरे।

अध्यक्ष दाहालले संवैधानिक निकायमा रिक्त पदहरूको एकैपटक पूर्ति गर्नु उचित हुने विचार राख्दै, सबै संवैधानिक आयोगहरूको पद पूर्ति गर्नुपर्नेमा जोड दिएका छन्।