प्रधानमन्त्री ओलीको अभिव्यक्तिप्रति माओवादी नेत्री रेखा शर्माको आपत्ति
२०८१ फागुन १३, मंगलबार १८:०१ मा प्रकाशित
काठमाडौं । प्रधानमन्त्री केपी शर्मा ओलीको अभिव्यक्तिप्रति प्रमुख प्रतिपक्षी नेकपा (माओवादी केन्द्र)की नेत्री रेखा शर्माले आपत्ति जनाएकी छन् ।
आज (मंगलबार) बसेको संसद् अधिवेशनको विशेष शून्य समयमा बोल्दै शर्माले आपत्ति जनाएकी हुन् ।
दाङ–२ बाट निर्वाचित माओवादी केन्द्रकी प्रतिनिधिसभा सांसद रेखा शर्माले प्रधानमन्त्रीले दिएको अभिव्यक्ति आपत्तिजनक भएको बताएकी छन् ।
यहीँ फागुन ५ गते दाङ पुगेका प्रधानमन्त्री ओलीले सांसद शर्मालाई लक्षित गर्दै एमाले महासचिव शंकर पोखरेलाई हराएर ‘आधा न सादा’का मान्छेलाई जिताएर गल्ती गर्नुभो भन्ने अभिव्यक्ति दिएका थिए ।
उक्त अभिव्यक्तिलाई लिएर सांसद शर्माले संसद्मा आपत्ति जनाएकी हुन् ।
तपाईको प्रतिक्रिया दिनुहोस