सांसदले बहिष्कार गरे प्रधानमन्त्रीसँगको प्रश्नोत्तर कार्यक्रम
काठमाडौं । प्रधानमन्त्री केपी शर्मा ओलीसँग सांसदहरूको प्रश्नोत्तर कार्यक्रम एक सांसदले बहिष्कार गरेका छन् ।
जारी संसद् बैठकमा आम जनता पार्टी (आजपा)का अध्यक्ष प्रभु साहले उक्त कार्यक्रम बहिष्कार गरेका हुन् ।
यसअघिकै आफूले सोधेको प्रश्नको जवाफ प्रधानमन्त्रीले नदिएको भन्दै सांसद साहले यसको औचित्य भएको जिकिर गरे ।
कार्यक्रम सुरु हुनुभन्दा पहिले बैठकको विषेध समयमा बोल्दै उनले कार्यसूचीबाटै प्रधानमन्त्रीसँग प्रश्नोत्तर कार्यक्रम हटाउन आग्रह गरेका थिए ।
उनले यदि सो कार्यक्रम नहटाए बहिष्कार गर्ने चेतावनी दिएका थिए । तर, आफ्नो माग सम्बोधन नभएको भन्दै साहले बैठक बहिष्कार गरेका छन् भने बैठक कक्षबाट बाहिरिएका छन् ।
अहिले संसद्मा प्रधानमन्त्रीसँग प्रश्नोत्तर कार्यक्रम जारी छ ।
गत फागुन ४ गते प्रधानमन्त्रीसँग प्रश्नोत्तर कार्यक्रममा साहले सोेधेका प्रश्नको उत्तर दिएका थिएनन् ।
धेरै पढिएका
तपाईको प्रतिक्रिया दिनुहोस