नेपालले चालु आर्थिक वर्षका पहिलो दुई महिनामा पाँच अर्बभन्दा बढी रुपैयाँको खाद्यान्न आयात गरेको छ। भन्सार विभागका अनुसार साउन र भदौ महिनामा ५ अर्ब ४ करोड ५३ हजार रुपैयाँ बराबरको ९८ हजार १५८ मेट्रिक टन खाद्यान्न आयात भएको हो।

सरकारले यसबाट ४५ करोड रुपैयाँ राजस्व संकलन गरेको छ। आयात गरिएका प्रमुख खाद्यान्नमा मकै, चामल, र गहुँ रहेका छन्। चीन, भारत, ब्राजिललगायतका देशहरूबाट यी खाद्यान्न आयात गरिएका हुन्।