रुपन्देही–३ प्रतिनिधि सभा क्षेत्रको आगामी कात्तिक १७ गते हुने उपनिर्वाचनका लागि उम्मेदवार छान्न राष्ट्रिय स्वतन्त्र पार्टी (रास्वपा)ले आयोजना गरेको प्राइमरी निर्वाचन सम्पन्न भएको छ।

भोटिङ बिहीबार बिहान अनलाइनमार्फत सुरु भएको थियो र शुक्रबार साँझ ७ बजे समापन भएको रास्वपाका सहमहामन्त्री तथा लुम्बिनी प्रदेश इन्चार्ज विपिनकुमार आचार्यले जानकारी दिएका छन् ।

उनीहरूले निर्वाचन समितिको विवरण उद्धृत गर्दै बताए अनुसार, रुपन्देही–३ मा पार्टीका साधारण सदस्य र तहगत समिति सदस्य गरी कुल २ हजार ७ सय १६ मतदाता रहेकोमा अनलाइन भोटिङमा १ हजार ५ सय ६७ मत खसेको छ । साथै, केन्द्रीय समितिका ६२ मध्ये २७ सदस्यले पनि मतदान गरेका छन् ।