नेपाल विद्यार्थी संघ (नेविसंघ) का सभापति दुजाङ शेर्पाले विराटनगरमा एमाले पोलिटब्युरो सदस्य महेश बस्नेतमाथि आक्रमण गर्ने र संगठनको नाम दुरुपयोग गर्नेहरूलाई कडा कारबाही गरिने स्पष्ट पारेका छन्।

बस्नेतको गाडीमा बेलुन हानेर मसी छ्याप्ने प्रयास गर्ने सञ्जोग गौतम र अर्पित कुँवर महेन्द्र मोरङ क्याम्पसका नेविसंघका नेताहरू हुन्।

शेर्पाले वक्तव्यमा भनेका छन्, “नेकपा एमाले र अखिलसँग हाम्रो सयौँ विमतिहरू छन्। लोकतन्त्रमा विरोध सबैको अधिकार हो, तर आज विराटनगरमा महेश बस्नेतमाथि रातो मसी छ्याप्ने कायरता नेविसंघको होइन। संगठनको नाम दुरुपयोग गर्नेहरूलाई कडा कारबाही गरिनेछ।”