कांग्रेस केन्द्रीय कार्यसमितिको बैठक सरेको सर्यै, सरेको सर्यै
२०८२ मंसिर १३, शनिबार १९:४८ मा प्रकाशित
नेपाली कांग्रेसको केन्द्रीय कार्यसमिति बैठक फेरि एक पटक सरेको छ। आइतबार दिउँसोका लागि तय गरिएको बैठक अब सोमबार दिउँसो २ बजे बस्ने गरी सारिएको पार्टीले जनाएको छ।
कांग्रेस केन्द्रीय कार्यालय बीपी स्मृति भवन, ललितपुरमा हुने उक्त बैठकका लागि केन्द्रीय कार्यसमितिका पदाधिकारी, सदस्य, आमन्त्रित सदस्य र सातै प्रदेश कार्यसमितिका सभापतिहरू लाई उपस्थित हुन अनुरोध गरिएको मुख्यसचिव कृष्णप्रसाद पौडेलले जानकारी दिएका छन् ।
बैठक पटक–पटक सर्दै आएका सन्दर्भमा कार्यवाहक सभापति पूर्णबहादुर खड्काले सर्वसम्मत निर्णय गर्ने अवस्था नबनेसम्म बैठक सारिरहने जानकारी दिएका छन्।
तपाईको प्रतिक्रिया दिनुहोस