प्रतिनिधिसभा बैठक बस्दै, दुई विधेयकमाथि छलफल हुने
२०८३ भाद्र २६, शुक्रबार ०८:१४ मा प्रकाशित
काठमाडौं । सङ्घीय संसद् प्रतिनिधिसभाको बैठक आज अपराह्न १ बजे सिंहदरबारमा बस्दैछ।
बैठकमा अर्थमन्त्री डा. स्वर्णिम वाग्लेले ‘कर्मचारी सञ्चय कोष (दशौँ संशोधन) विधेयक, २०८३ माथि विचार गरियोस्’ भन्ने प्रस्ताव प्रस्तुत गर्ने कार्यसूची रहेको छ।
त्यस्तै, कानुन, न्याय तथा संसदीय मामिलामन्त्री सोविता गौतमले ‘नेपाल कानुन आयोग (पहिलो संशोधन) विधेयक, २०८३ माथि विचार गरियोस्’ भन्ने प्रस्ताव प्रस्तुत गर्नेछिन्।
यसैगरी, आज सङ्घीय संसद्का विभिन्न छ वटा समितिको बैठक समेत बस्ने कार्यतालिका रहेको छ।
तपाईको प्रतिक्रिया दिनुहोस