नेकपा (माओवादी केन्द्र)को युवा संगठन वाइसियल नेपाल (YCL) बझाङ जिल्ला समितिको सम्मेलन आज बझाङको झोता गाउँमा उद्घाटन गरिएको छ । “उद्यमशीलता, नवप्रवर्तन र स्वरोजगारका लागि आजको युवा आन्दोलन! सुशासन, सामाजिक न्याय, समृद्धि र समाजवादका पक्षमा तेस्रो राष्ट्रिय सम्मेलन!!” भन्ने मूल नाराका साथ सम्मेलन सुरू भएको हो ।

सम्मेलनको उद्घाटन कार्यक्रममा नेकपा (माओवादी केन्द्र) बझाङ जिल्ला संयोजक रतन सिंह प्रमुख अतिथिका रूपमा सहभागी थिए । यस्तै, वाइसियल नेपालका केन्द्रिय सचिव सूर्यकला थापा र सुदूरपश्चिम प्रदेश संयोजक नरबहादुर बिष्ट विशेष अतिथिका रूपमा उपस्थित रहेका थिए ।

कार्यक्रम वाइसियल नेपाल बझाङ जिल्ला संयोजक प्रेम बहादुर धामीको अध्यक्षतामा सुरू भएको हो । आयोजकका अनुसार सम्मेलन अन्तर्गत भोलि नयाँ जिल्ला समिति चयन गरी कार्यक्रम सम्पन्न गरिनेछ ।
आज सोही कार्यक्रममा नेकपा एमाले परित्याग गरि दश जना र नेपाली काँग्रेस परित्याग गरि ३ जनाले नेकपा (माओवादी केन्द्र) प्रवेश गरेका छन् ।