पार्टी सभापति शेरबहादुर देउवाको धारणा भनी राजसंस्थाबारे प्रकाशित भ्रामक र कपोलकल्पित समाचारप्रति नेपाली कांग्रेसले ध्यानाकृष्ट भएको जनाएको छ ।

कांग्रेसले आज विज्ञप्तिमार्फत भ्रामक र कपोलकल्पित समाचारको निन्दा र भत्र्सना गरेको हो । “कसैले क्षणिक स्वार्थ पूर्ति गर्न राजसंस्थाबारे उनको धारणा भनी सञ्चारमाध्यममा गलत सूचना सम्प्रेषण गर्नु अनैतिक र घोर आपत्तिजनक कार्य हो । देउवाले कहीँकतै नबोलेको, नभनेको र नसोचेको कुरालाई मनगणन्ते ढङ्गले आमसञ्चारमाध्यमलाई दुरुपयोग गर्दै प्रचारमा ल्याउनु पत्रकारिताको मर्म र भावना विपरित हो”, विज्ञप्तिमा उल्लेख छ ।

त्यस्ता भ्रामक र कपोलकल्पित समाचारको निन्दा र भत्र्सना गर्नुका साथै आन्दोलनबाट प्राप्त उपलब्धिलाई रक्षा गर्न प्रतिबद्ध रहेको दोहो-याउँदै यस्ता समाचारप्रति विश्वास नगर्न आमनागरिकलाई आग्रह गरेको पार्टीका मुख्यसचिव कृष्णप्रसाद पौडेलले जानकारी दिएका छन् ।