यस साताभरको सुन–चाँदीको कारोबार विश्लेषण गर्दा सुनको मूल्यमा उल्लेख्य वृद्धि देखिएको छ भने चाँदीको मूल्यमा सामान्य उतारचढाव मात्र देखिएको छ । गत शुक्रबारदेखि यस शुक्रबारसम्म (एक साता) सुनको मूल्य प्रतितोला ५ हजार ४ सय रुपैयाँले बढेको छ भने चाँदीको मूल्यमा प्रतितोला ५० रुपैयाँको वृद्धि भएको छ।

सुनको मूल्य यस साता लगातार बढ्दै प्रतितोला २ लाख रुपैयाँको नयाँ उच्च स्तरमा पुगेको छ। अघिल्लो शुक्रबार (भदौ ६ गते) सुनको मूल्य १ लाख ९५ हजार २ सय रुपैयाँमा कारोबार भएको थियो।

हेर्नुहोस् साताको कारोवार

आइतबार: २ हजार ३ सय रुपैयाँले बढेर १ लाख ९७ हजार ५ सय रुपैयाँमा

सोमबार: ३ सय रुपैयाँ घटेर १ लाख ९७ हजार २ सय रुपैयाँमा

मंगलबार: १ हजार ५ सय रुपैयाँ बढेर १ लाख ९८ हजार ७ सय रुपैयाँमा

बुधबार: ३ सय रुपैयाँ बढेर १ लाख ९९ हजार रुपैयाँमा

बिहीबार: ४ सय रुपैयाँ बढेर १ लाख ९९ हजार ४ सय रुपैयाँमा

शुक्रबार: १ हजार २ सय रुपैयाँ बढेर २ लाख ६ सय रुपैयाँमा

यस साता अवधिमा सुनको मूल्य १ लाख ९५ हजार २ सय रुपैयाँबाट २ लाख ६ सय रुपैयाँसम्म बढ्दा कुल ५ हजार ४ सय रुपैयाँको वृद्धि भएको छ।

चाँदीको मूल्यमा सामान्य उतारचढाव

सुनको तुलनामा चाँदीको मूल्यमा यस साता सामान्य उतारचढाव देखिएको भए पनि समग्रमा वृद्धि भएको छ । अघिल्लो शुक्रबार चाँदीको मूल्य प्रतितोला २ हजार ३१० रुपैयाँ रहेकोमा यस शुक्रबार २ हजार ३६० रुपैयाँ पुगेको छ ।

आइतबार: ४० रुपैयाँ बढेर २ हजार ३५० रुपैयाँ

सोमबार: ५ रुपैयाँ बढेर २ हजार ३५५ रुपैयाँ

मंगलबार: ५ रुपैयाँ बढेर २ हजार ३६० रुपैयाँ

बुधबार: १५ रुपैयाँ घटेर २ हजार ३४५ रुपैयाँ (साता भरको न्यून बिन्दु)

बिहीबार: १० रुपैयाँ बढेर २ हजार ३५५ रुपैयाँ

शुक्रबार: ५ रुपैयाँ बढेर २ हजार ३६० रुपैयाँ

यसरी, चाँदीको मूल्य एक साता अवधिमा २ हजार ३१० रुपैयाँबाट २ हजार ३६० रुपैयाँ पुगेको छ, जसले ५० रुपैयाँको सामान्य वृद्धि देखाउँछ।