अघिल्ला तीन कारोबार दिन लगातार ओरालो लागेको सेयर बजार मंगलबार बढेको छ। नेप्से परिसूचक आज ३.२१ अंक बढेर २५६५ अंकमा अडिएको छ।

आजको कारोबार सुरुवातमा नेप्से करिब साढे १ बजेसम्म ओरालोमा रहेको थियो, तर त्यसपछि बजारले सम्हालिएको थियो । आज १४२ कम्पनीको मूल्य बढ्दा १०२ कम्पनीको मूल्य घट्यो, भने १० कम्पनीको मूल्य स्थिर रह्यो। कारोबार रकम भने घटेको छ; अघिल्लो दिन ४ अर्ब ५१ करोड रुपैयाँको कारोबार भएकोमा आज ३ अर्ब ६२ करोड रुपैयाँ मात्रै भयो।

समूहगत सूचक

बढेका: बैंकिङ ०.०७%, हाइड्रोपावर ०.७७%, जीवन बीमा ०.५७%, उत्पादन तथा प्रशोधन ०.३३%, निर्जीवन बीमा ०.५०%, व्यापार ०.६९%

घटेका: अन्य ०.६७%, माइक्रोफाइनान्स ०.०५%, लगानी ०.२९%, होटल तथा पर्यटन ०.३८%, फाइनान्स ०.६१%, विकास बैंक ०.४७%

आज चार कम्पनीको सेयर मूल्य १० प्रतिशत बढेको छ। ती कम्पनीहरू हालै सूचीकृत भएका हुन्:

बन्दीपुर केबुलकार, माबिलुङ इनर्जी, सागर डिस्टिलरी, बुङ्गल हाइड्रोपावर।

त्यस्तै, दरामखोला हाइड्रोपावर ६.८८%, इस्टर्न हाइड्रोपावर ६.२९%, र स्वस्तिक लघुवित्त ४% ले मूल्य बढाएको छ। सबैभन्दा बढी मूल्य घट्ने कम्पनी भने सिटी होटल हो, जसको मूल्य ४.९६% घट्यो।

आज धेरै कारोबार भएका कम्पनीहरूमा साहस ऊर्जा, राधि विद्युत्, एनआरएन इन्फ्रास्ट्रक्चर, शिवम् सिमेन्ट र सिनर्जी पावर रहेका छन्।