नेपाली बजारमा साताको दोस्रो दिन सोमबार सुनको मूल्यमा सामान्य गिरावट आएको छ भने चाँदीको मूल्य बढेको छ। यस दिन सुनको मूल्य प्रतितोला २०० रुपैयाँले घट्दा चाँदीको मूल्य भने प्रतितोला १० रुपैयाँले बढेको हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ लाख १० हजार ९०० रुपैयाँमा कारोबार भइरहेको छ। यसअघि आइतबार सुन प्रतितोला ३ लाख ११ हजार १०० रुपैयाँमा खरिदबिक्री भएको थियो।

त्यस्तै, आज चाँदीको मूल्य प्रतितोला ५ हजार ३५५ रुपैयाँ कायम भएको छ। आइतबार चाँदी प्रतितोला ५ हजार ३४५ रुपैयाँमा खरिदबिक्री भएको महासंघले जनाएको छ।