नेपाल राष्ट्र बैंकले ५० रुपैयाँ दरको नयाँ डिजाइन तथा परिमार्जित विशेषतासहितको बैंकनोट प्रचलनमा ल्याएको छ।

राष्ट्र बैंकको मुद्रा व्यवस्थापन विभागले २०८३ असोज २ गतेदेखि साविककै आकार र डिजाइनमा नयाँ विशेषतासहितको ५० रुपैयाँ दरको नोट चलनचल्तीमा ल्याएको हो।

नयाँ नोटका प्रमुख विशेषताहरू:
प्रतिज्ञात्मक वाक्यांश: नोटमा ‘श्री नेपाल राष्ट्र बैंक, नेपाल सरकारको जमानत प्राप्त’ भन्ने वाक्यांश उल्लेख छ।
अगाडिको भाग: हिमालको चित्र, लालीगुराँसको पानी छाप र त्यसको मुनि ‘५०’ अंकित पानी छाप राखिएको छ।
सिरिज र हस्ताक्षर: नोटको तल्लो भागमा सिरिज नम्बर ‘वि.सं. २०८२’ उल्लेख गरिएको छ भने नोटमा तत्कालीन गभर्नर प्रा.डा. विश्वनाथ पौडेलको दस्तखत रहेको छ।
सुरक्षा धागो: नोटमा १.२ मिलिमिटर चौडा सुरक्षा धागो राखिएको छ, जसमा ‘NRB’ लेखिएको छ।
पछाडिको भाग: हिउँ चितुवाको चित्र, ‘NEPAL RASTRA BANK’, ‘RUPEES FIFTY’ र सिरिज नम्बर ‘2025 A.D.’ उल्लेख गरिएको छ।