आइतबार दिउँसो प्रहरीले नियन्त्रणमा लिएका राप्रपा नेपालका अध्यक्ष कमल थापा, राप्रपाका सांसद दीपक सिंहसहित ७ जना रिहा भएका छन् ।
जिल्ला प्रहरी परिसर, काठमाडौंका अनुसार नियन्त्रणमा लिइएका ८ जनामध्ये ७ जनालाई जिम्मा जमानीमा रिहा गरिएको हो । पक्राउ परेकामध्ये एक जना भने हाल पनि प्रहरी हिरासतमा रहेका छन् ।
रिहाइको प्रक्रिया बारेमा थप विवरण सार्वजनिक गरिएको छैन । पक्राउ परेका नेताहरूलाई के कारणले नियन्त्रणमा लिइएको थियो भन्ने विषयमा पनि प्रहरीले विस्तृत जानकारी दिएको छैन ।
तपाईको प्रतिक्रिया दिनुहोस