एनपीएल (नेपाल प्रिमियर लिग) को शनिबार भएको खेलमा सुदूरपश्चिम रोयल्सका ओपनर सैफ जैब ‘प्लेयर अफ द म्याच’ घोषित भएका छन्। सैफले उत्कृष्ट प्रदर्शन गर्दै ५० हजार रुपैयाँको नगद पुरस्कार जितेका छन्। साथै, उनले सुपर फोर अवार्डसमेत जिते।

लुम्बिनी लायन्सविरुद्धको खेलमा ‘ममेन्ट अफ द म्याच’ को अवार्ड लुम्बिनीका विवेक यादवले जिते। उनले २५ हजार रुपैयाँ नगद पुरस्कार र ५ हजार रुपैयाँको एनसेल रिचार्ज भौचर प्राप्त गरे।

त्यसैगरी, सुदूरपश्चिम रोयल्सका नरेश बुढायरले उत्कृष्ट फिल्डिङका लागि ‘क्याच अफ द म्याच’ अवार्ड जिते। उनले २५ हजार रुपैयाँ पुरस्कार प्राप्त गरेका छन्।