सार्वजनिक लेखा समिति सभापतिका स्वकीय सचिव जिम्मेवारी मुक्त, पक्राउ पुर्जी जारी
२०८१ पौष १९, शुक्रबार १२:३३ मा प्रकाशित
काठमाडौं । सार्वजनिक लेखा समितिका सभापति ऋषिकेश पोखरेलले अनिलकुमार पोखरेललाई स्वकीय सचिवको जिम्मेवारीबाट मुक्त गरेका छन् ।
उनी ठगी प्रकरणमा मुछिएपछि ऋषिकेशले जिम्मेवारीबाट मुक्त गरेका हुन् ।
सभापतिले आज (शुक्रबार) विज्ञप्ति जारी गरेर अनिलविरुद्ध उच्च अदालत मोरङबाट पक्राउ पुर्जी जारी भएको खबरप्रति आफ्नो गम्भीर ध्यानाकर्षण भएको जनाउँदै उनलाई स्वकीय सचिवबाट हटाइएको जानकारी गराएका छन् ।
उनले अनुसन्धानमा सहयोग पुगोस् भन्दै अनिललाई स्वकीय सचिव पदबाट निष्कासन गरेको उल्लेख गरेका छन् ।
तपाईको प्रतिक्रिया दिनुहोस