स्थानीय तहमा निर्वाचित जनप्रतिनिधिहरूको भेला गर्दै माओवादी
२०८१ माघ २१, सोमबार १६:२८ मा प्रकाशित
काठमाडौं । नेकपा (माओवादी केन्द्र)ले स्थानीय तहमा निर्वाचित जनप्रतिनिधिहरूको भेला गर्ने भएको छ ।
आज (सोमबार) अध्यक्ष पुष्पकमल दाहाल ‘प्रचण्ड’ निवास खुमलटारमा बसेको पार्टी पदाधिकारीको बैठकले जनप्रतिनिधिहरूको भेला गर्ने भएको हो ।
उक्त बैठकले माओवादी केन्द्रबाट निर्वाचित प्रमुख र उपप्रमुखको भेला फागुन ९ गते गर्ने निर्णय गरेको उपाध्यक्ष एवं प्रवक्ता अग्निप्रसाद सापकोटाले जानकारी दिए ।
माओवादीबाट १२३ वटा स्थानीय तहमा प्रमुख र उपप्रमुख निर्वाचित भएका छन् ।
तपाईको प्रतिक्रिया दिनुहोस