ओली विदेश भ्रमणमा, एमालेको कार्यवाहक अध्यक्षमा ईश्वर पोखरेल
२०८२ श्रावण १९, सोमबार ०९:२७ मा प्रकाशित
प्रधानमन्त्री तथा नेकपा (एमाले)का अध्यक्ष केपी शर्मा ओलीले आफ्नो विदेश भ्रमणका क्रममा पार्टीको कार्यवाहक अध्यक्षको जिम्मेवारी वरिष्ठ उपाध्यक्ष ईश्वर पोखरेललाई दिएका छन्।
ओली भूपरिवेष्ठित विकासशील राष्ट्रहरू (एलएलडिसी)को तेस्रो संयुक्त राष्ट्रसंघीय सम्मेलनमा भाग लिन सोमबार राति तुर्कमेनिस्तान प्रस्थान गरेपछि पार्टी नेतृत्व पोखरेललाई सुम्पिएको एमाले प्रचार विभाग प्रमुख राजेन्द्र गौतमले जानकारी दिए।
उनका अनुसार, एमाले विधान २०४९ (संशोधन २०७८) को धारा २१ को उपधारा (२) बमोजिम अध्यक्षको अनुपस्थितिमा वरिष्ठ उपाध्यक्षले अध्यक्षको कार्यभार सम्हाल्ने व्यवस्था छ।
प्रधानमन्त्री ओली यही साउन २३ गते शुक्रबार राति स्वदेश फर्कने कार्यक्रम रहेको गौतमले जनाएका छन्।
धेरै पढिएका
तपाईको प्रतिक्रिया दिनुहोस