भारतका विदेश सचिव विक्रम मिश्री भोलि नेपाल आउने
२०८२ श्रावण ३१, शनिबार १५:१६ मा प्रकाशित
भारतका विदेश सचिव विक्रम मिश्री भोलि नेपाल भ्रमणमा आउने भएका छन्। परराष्ट्र मन्त्रालयले विज्ञप्ति जारी गर्दै उनको नेपाल बसाइबारे जानकारी दिएको हो।
नेपाल बसाइका क्रममा उनले प्रधानमन्त्री केपी शर्मा ओली, परराष्ट्र मन्त्री आरजु राणा देउवा लगायतसँग भेटवार्ता गर्ने कार्यक्रम तय भएको छ।
परराष्ट्र मन्त्रालय स्रोतका अनुसार प्रधानमन्त्री ओलीको आसन्न भारत भ्रमण तयारीका सन्दर्भमा विदेश सचिव मिश्री नेपाल आउन लागेका हुन्। प्रधानमन्त्री ओली भदौको अन्तिम साता भारत भ्रमणमा जाने तयारीमा रहेका छन्।
तपाईको प्रतिक्रिया दिनुहोस