कार्यवाहक प्रधानमन्त्रीको जिम्मेवारी उपप्रधान तथा शहरी विकास मन्त्री प्रकाशमान सिंहलाई तोकिएको छ।
प्रधानमन्त्री केपी शर्मा ओली पाँच दिने चीन भ्रमणका लागि आज बिहान प्रस्थान गरेसँगै कार्यवाहकको जिम्मेवारी सिंहलाई दिइएको हो। राष्ट्रपति कार्यालयले विज्ञप्ति जारी गर्दै राष्ट्रपति रामचन्द्र पौडेलले प्रधानमन्त्री ओलीको सिफारिसमा सिंहलाई कार्यवाहक प्रधानमन्त्री नियुक्त गरेको जनाएको छ।
यसअघि पनि प्रधानमन्त्री ओली विदेश भ्रमणमा जाँदा सिंहलाई नै कार्यवाहकको जिम्मेवारी दिइँदै आएको छ। साङ्घाई सहयोग संगठन (एससीओ) शिखर सम्मेलनमा सहभागी हुन चीन प्रस्थान गरेका प्रधानमन्त्री ओली भदौ १८ गते (सेप्टेम्बर ३) बुधबार स्वदेश फर्कने कार्यक्रम छ।
तपाईको प्रतिक्रिया दिनुहोस