प्रधानमन्त्री केपी शर्मा ओली र चीनका राष्ट्रपति सी चिनफिङबीच शनिबार थियानजिनमा भेटवार्ता भएको छ ।

थियानजिन अतिथि गृहमा सम्पन्न उक्त भेटमा नेपाल–चीन सम्बन्ध विस्तार, आपसी हितका विषयहरू तथा क्षेत्रीय सहकार्यबारे छलफल भएको जनाइएको छ ।

उच्चस्तरीय यो भेटलाई दुई देशबीचको सम्बन्धलाई अझ सुदृढ बनाउन महत्वपूर्ण अवसरका रूपमा लिइएको छ ।

प्रधानमन्त्री ओली आजै आफ्नो औपचारिक चीन भ्रमणका क्रममा त्यहाँ पुगेका हुन् । यस अवसरमा नेपाल सरकारका मन्त्री तथा उच्च अधिकारीहरूको टोलीसमेत उनको साथमा छ ।