यस्तो छ महामन्त्री थापाको क्रियाशील सदस्यता बारे चार बुँदे परिपत्र
२०८२ पौष ८, मंगलबार २०:२२ मा प्रकाशित
नेपाली कांग्रेसका महामन्त्री गगनकुमार थापाले पार्टीको क्रियाशील सदस्यता वितरणलाई सहज बनाउन चार बुँदे परिपत्र जारी गरेका छन्।
मंगलबार साँझ सबै जिल्लालाई लक्षित गर्दै जारी गरिएको उक्त परिपत्रमा भनिएको छ कि नयाँ क्रियाशील सदस्यता १५औँ महाधिवेशनको कार्यतालिकाअनुसार वितरण गर्नुपर्ने छ।
परिपत्रमा भनिएको छ, “नयाँ सदस्यता वितरण नेपाली कांग्रेसको विधान, नियमावली, केन्द्रीय कार्यसमितिको निर्णय तथा केन्द्रीय परिपत्रअनुसार सहज र व्यापक रूपमा गर्नुपर्ने पार्टीको नीति हो। त्यसअनुसार मापदण्ड पनि सम्बन्धित जिल्लालाई पठाइसकिएको छ।”
तपाईको प्रतिक्रिया दिनुहोस