सङ्घीय संसद्, प्रतिनिधिसभाको बैठक आज अपराह्न १ बजे बस्दैछ । आजको बैठकमा मन्त्रालयगत मौखिक प्रश्नोत्तरदेखि महत्त्वपूर्ण प्रस्तावसम्मका कार्यसूचीहरू तय गरिएको सङ्घीय संसद् सचिवालयले जनाएको छ ।

प्रमुख कार्यसूचीहरू:

आजको बैठकमा परराष्ट्र मन्त्रालय र भूमि व्यवस्था, सहकारी तथा गरिबी निवारण (सामान्य प्रशासन) मन्त्रालयसम्बन्धी उठेका मौखिक प्रश्नहरूको सम्बन्धित मन्त्रीले प्रत्यक्ष जवाफ दिनेछन् ।

कानुन, न्याय तथा संसदीय मामिलामन्त्री सोविता गौतमले ‘एसियाली विधायिकी संस्थाको परिषद्को सदस्यता प्राप्त गर्नेसम्बन्धी सम्मिलनमाथि नेपाल सरकारले आफ्नो हकमा स्पष्ट गरेको घोषणासहित अनुमोदन गरियोस्’ भन्ने प्रस्ताव बैठकमा प्रस्तुत गर्नेछिन् ।