सुदूरपश्चिम प्रदेशका प्रमुख नजिर मियाँले आगामी वैशाख १७ गतेदेखि प्रदेशसभाको आठौँ अधिवेशन (बजेट अधिवेशन) आह्वान गरेका छन्।

मुख्यमन्त्री कमलबहादुर शाहको सिफारिसमा प्रदेश प्रमुख मियाँले सोही दिन अपराह्न ४ बजे बस्ने गरी अधिवेशन बोलाएका हुन्।

अधिवेशन आह्वानसम्बन्धी सिफारिस पत्र बुझाउन धनगढीस्थित प्रदेश प्रमुखको निवास पुगेका मुख्यमन्त्री शाह र प्रदेश प्रमुख मियाँबीच समसामयिक विषयमा छलफलसमेत भएको मुख्यमन्त्रीको सचिवालयले जनाएको छ।