सुदूरपश्चिम प्रदेशका मुख्यमन्त्री खगराज भट्टले हरितालिका (तीज) पर्वले सांस्कृतिक परम्पराको संरक्षणसँगै महिला अधिकार, समानता र सशक्तिकरणको अभियानलाई थप बलियो बनाउनुपर्नेमा जोड दिएका छन्।

हरितालिका तीजको अवसरमा स्वदेश तथा विदेशमा रहेका सम्पूर्ण दिदीबहिनी तथा दाजुभाइहरूमा सुख, शान्ति, समृद्धि र सुस्वास्थ्यको शुभकामना व्यक्त गर्दै मुख्यमन्त्री भट्टले यस्तो बताएका हुन्।

उनले शुभकामना सन्देशमा मौलिक संस्कृति, परम्परा र सामाजिक मूल्यमान्यताको संरक्षण तथा पुस्तान्तरणमा तीज पर्वले महत्त्वपूर्ण भूमिका निर्वाह गर्दै आएको बताएका छन्। नारी एकता, सम्मान, समानता र महिला सशक्तीकरणको सन्देश बोकेको यस पर्वले समाजमा आपसी सद्भाव, सहिष्णुता, भाइचारा र मेलमिलाप कायम गर्दै सुख, शान्ति र समृद्धिको मार्ग प्रदस्त गरोस् भन्ने कामना समेत गरेका छन्।