पूर्वी म्यानमाको शान राज्यमा शनिबार राति यात्रुवाहक बस दुर्घटना हुँदा सात जनाको मृत्यु भएको छ भने २५ जना घाइते भएका छन्। म्यानमारको अग्नि सेवा विभागका अनुसार ३० भन्दा बढी यात्रु बोकेको बस सडकबाट खाल्डोमा खसेपछि दुर्घटना भएको हो।

दुर्घटना स्थानीय समयअनुसार राति ८ बजे भएको बताइएको छ। एक स्थानीय प्रहरी अधिकारीका अनुसार बसले नियन्त्रण गुमाएपछि दुर्घटना भएको हो। मृतकमध्ये पाँच पुरुष र दुई महिलाको घटनास्थलमै ज्यान गएको छ।

घाइते यात्रुहरूलाई उद्धार गरी स्थानीय अस्पतालमा उपचारका लागि भर्ना गरिएको छ। प्रहरीले दुर्घटनाको कारणबारे थप अनुसन्धान गरिरहेको जनाएको छ।