नेपाल पञ्चाङ्ग निर्णायक विकास समितिले यस वर्षको बडादसैँ पर्वका लागि विभिन्न साइतहरू सार्वजनिक गरेको छ। समितिले दिएको जानकारी अनुसार यस वर्ष विजयादशमीको टीकाको उत्तम साइत कात्तिक ४ गते बुधबार बिहान १०:२६ बजे रहेको छ।

विजयादशमीका दिन बिहान ८:४९ बजे देवी विसर्जन गरेपछि निर्धारित उक्त साइतमा टीका ग्रहण गर्नु उत्तम हुने समितिले जनाएको छ। साथै, टीका लगाइदिने र लगाइमाग्ने व्यक्तिहरूले पश्चिम मोहडा फर्केर बस्नुपर्ने नियम समेत समितिले स्पष्ट पारेको छ।

दसैँका प्रमुख साइत तथा तिथिहरू:
असोज २५ गते (आइतबार): नवरात्रारम्भ तथा घटस्थापना (शुभसाइत: बिहान ११:४७ बजे)

असोज २६ गते (सोमबार): पश्चिम मोहडा फर्काएर झण्डा फेर्ने साइत (बिहान १०:०७ बजे)

असोज २९ गते (बिहीबार): श्रीपचली भैरव यात्रा

असोज ३१ गते (शनिबार): फूलपाती (श्री तुलजाभवानी यात्रा: बिहान ७:३७ बजे र स्थिरासन: बिहान १०:३९ बजे)

कार्तिक १ गते (आइतबार): महाष्टमी तथा कालरात्रि

कार्तिक ३ गते (मंगलबार): महानवमी

कार्तिक ४ गते (बुधबार): विजयादशमी, टीकाको उत्तम साइत (बिहान १०:२६ बजे), तुलजाभवानी यात्रा (बिहान १०:५१ बजे), स्थिरासन (दिवा ११:५२ बजे) र खड्गयात्रा

कार्तिक ८ गते (आइतबार): अखिलबलिपूर्ति तथा कोजाग्रत पूजा (यससँगै नवरात्र तथा दसैँ पर्व समापन हुनेछ)