वीरगञ्ज भन्सार कार्यालयले चालु आर्थिक वर्षको पहिलो चार महिनामा विभिन्न आयात सामग्रीबाट उल्लेखनीय राजस्व सङ्कलन गरेको छ।

कार्यालयका अनुसार पेट्रोलियम पदार्थको आयातबाट रु २२ अर्ब ९० करोड, र यातायातका साधन तथा तिनका पार्टपुर्जाबाट रु १० अर्ब १० करोड राजस्व उठेको छ। त्यसैगरी, फलाम तथा फलामबाट बनेका सामानबाट रु ४ अर्ब ५८ करोड, कपडाबाट रु ४ अर्ब २५ करोड, मेसिनरी तथा पार्टपुर्जाबाट रु ३ अर्ब १७ करोड, र इलेक्ट्रिक मेसिनरी, उपकरण तथा पार्टपुर्जाबाट रु ३ अर्ब ७ करोड राजस्व सङ्कलन भएको जानकारी दिइएको छ।

वीरगञ्जबाट चालु आर्थिक वर्षको चार महिनामा करिब रु २ खर्ब ८४ अर्ब ८९ करोड मूल्य बराबरका वस्तु आयात भएका छन्। कुल मिलाएर कार्यालयले चालु आवमा रु ७५ अर्ब ५९ करोड राजस्व सङ्कलन गरेको हो ।