काठमाडौं । कालीमाटी फलफूल तथा तरकारी बजार विकास समितिले आजका लागि कृषिउपजको अधिकतम थोक मूल्य निर्धारण गर्दै नयाँ मूल्यसूची सार्वजनिक गरेको छ। मूल्यसूचीअनुसार अधिकांश तरकारी तथा फलफूलको मूल्य स्थिर रहे पनि केही वस्तुको मूल्य उल्लेखनीय रूपमा फरक देखिएको छ।
समितिका अनुसार ठूलो नेपाली गोलभेँडा प्रतिकिलो ६० रुपैयाँ, भारतीय गोलभेँडा ८० रुपैयाँ तथा लोकल सानो गोलभेँडा ३० रुपैयाँमा कारोबार भइरहेको छ। रातो आलु ३२ देखि ३५ रुपैयाँ प्रतिकिलो र भारतीय सुकेको प्याज ४३ रुपैयाँ प्रतिकिलो कायम गरिएको छ।
हरियो तरकारीतर्फ स्थानीय काउली ९० रुपैयाँ, बन्दा ५० रुपैयाँ, गाजर ८० रुपैयाँ, सेतो मूला २० रुपैयाँ, लाम्चो भन्टा ५० रुपैयाँ र डल्लो भन्टा ५८ रुपैयाँ प्रतिकिलो तोकिएको छ।
सिमी तथा कोसेबालीमध्ये टाटे सिमी १३० रुपैयाँ, राजमा घिउ सिमी १२० रुपैयाँ, भटमासको कोसा १५० रुपैयाँ र तने बोडी १०० रुपैयाँ प्रतिकिलोमा बिक्री भइरहेको समितिले जनाएको छ।
च्याउको मूल्य भने तुलनात्मक रूपमा महँगो रहेको छ। कन्य च्याउ प्रतिकिलो २५० रुपैयाँ, डल्ले च्याउ ४५० रुपैयाँ, राजा च्याउ ३२० रुपैयाँ र सिताके च्याउ १ हजार रुपैयाँ प्रतिकिलो निर्धारण गरिएको छ।
फलफूलतर्फ फुजी स्याउ प्रतिकिलो ३०० रुपैयाँ, नेपाली केरा प्रतिदर्जन २०० रुपैयाँ, मालभोग केरा २२० रुपैयाँ, कागती २२० रुपैयाँ, अनार ४२० रुपैयाँ तथा मालदह आँप १२० रुपैयाँ प्रतिकिलो कायम गरिएको छ। त्यस्तै, दशहरी आँप १३० रुपैयाँ, तरबुजा ४५ रुपैयाँ, भुइँकटहर २०० रुपैयाँ, नासपाती १६० रुपैयाँ र स्थानीय लिची २५० रुपैयाँ प्रतिकिलोमा बिक्री भइरहेको छ।
मसलाजन्य वस्तुमध्ये अदुवा १३० रुपैयाँ, हरियो धनियाँ १०० रुपैयाँ, हरियो लसुन १८० रुपैयाँ तथा सुकेको खुर्सानी ४५० रुपैयाँ प्रतिकिलो तोकिएको छ। लसुनको मूल्यमा पनि भिन्नता देखिएको छ, जहाँ चिनियाँ लसुन २२० रुपैयाँ र नेपाली लसुन १८० रुपैयाँ प्रतिकिलो निर्धारण गरिएको छ।
त्यसैगरी, ताजा रहु माछा प्रतिकिलो ३४० रुपैयाँ, बचुवा माछा ३०० रुपैयाँ, छडी माछा २५० रुपैयाँ तथा सुकेको माछा १ हजार रुपैयाँ प्रतिकिलो कायम गरिएको समितिले जनाएको छ।
कालीमाटीले सार्वजनिक गरेको मूल्यसूचीअनुसार उपभोक्ताले दैनिक उपभोग्य कृषि उपजको थोक मूल्यबारे जानकारी लिन सक्नेछन्।
तपाईको प्रतिक्रिया दिनुहोस