पोखरा विश्वविद्यालयद्वारा स्नातक तहका लागि छात्रवृत्ति खुला, साउन ३० सम्म अनलाइन आवेदन गर्न सकिने
पोखरा विश्वविद्यालयले स्नातक तहका लागि विभिन्न संकाय अन्तर्गत छात्रवृत्तिको आवेदन खुला गरेको छ ।
शुक्रबार सूचना जारी गर्दै विश्वविद्यालयले विज्ञान तथा प्रविधि, व्यवस्थापन तथा मानविकी तथा सामाजिक शास्त्र संकायका लागि छात्रवृत्ति आवेदन खुला गरेको हो । छनोट भएका विद्यार्थीहरूलाई विश्वविद्यालयका आङ्गिक, संयुक्त आङ्गिक तथा सम्बन्धन प्राप्त कलेजहरूमा पूर्ण छात्रवृत्तिमा अध्ययन गर्न पाउने व्यवस्था गरिएको छ । विद्यार्थी छनोट पोखरा विश्वविद्यालय छात्रवृत्ति नियमावली, २०६५ अनुसार हुनेछ ।
छात्रवृत्तिका लागि आवेदन अनलाइनमार्फत पोखरा विश्वविद्यालय छात्रवृत्ति पोर्टल बाट दिन सकिनेछ। आवेदन शुक्रबार (साउन ९) देखि साउन ३० गते राति १२:०० बजेसम्म खुला हुनेछ।
परीक्षा तालिका:
विज्ञान तथा प्रविधि संकाय:
समूह (क): भदौ ६ गते बिहान ८:००–११:००
समूह (ख): भदौ ६ गते दिउँसो २:००–५:००
व्यवस्थापन संकाय:
परीक्षा मिति: भदौ ७ गते बिहान ८:०० बजेबाट
मानविकी तथा सामाजिक शास्त्र संकाय:
समूह (क), (ख), (ग): भदौ ७ गते दिउँसो २:०० बजेबाट
सवै परीक्षाहरू पोखरा विश्वविद्यालयको प्राज्ञिक कम्प्लेक्स, कास्की मा सञ्चालन हुनेछन् । विश्वविद्यालय छात्रवृत्ति छनौट समितिले समयमै आवेदन दिन र परीक्षा तालिका अनुरूप तयारी गर्न सम्पूर्ण इच्छुक विद्यार्थीलाई आग्रह गरेको छ।
छात्रवृत्तीको फर्म भर्न तलको लिङ्कमा क्लिक गर्नुहोस् ।
तपाईको प्रतिक्रिया दिनुहोस